حمد باری تعالیٰ
(شاعر: رفعت وحید)
تری ای میں وحدت دا پرچار کر دی
ترے نال مولا بڑا پیار کر دی
خدا کوئی کدھرے نہیں باہجھ تیرے
میں جھوٹے خداواں دا انکار کر دی
ہے دنیا وی تیری تے عقبیٰ وی تیری
میں دن رات اسے، دا اقرار کر دی
دلے وچ سجا کے میں وحدت دی کلیاں
میں اپنیاں سوچاں نوں گلزار کر دی
تری کوئی تخلیق جد وی میں ویکھاں
ترا چار سو ای میں دیدار کر دی
کریں گا توں رفعت تے بخشش تے رحمت
تری مولا بخشش دا اعتبار کر دی
